پاکستان د ایران او د عربستان د اړیکو هرکلی وکړ

ایرنا خبري اژانس راپور راکړی د پاکستان د بهرنیو چارو د وزارت ویاندې ممتاز زهرا بلوچ د اړیکو د ټینګولو لپاره د ایران د اسلامي جمهوریت او د سعودي عربستان موافقه په سیمه کښې مهم ډيپلوماټیک پرمختګ وباله.

هغې بیګا په یوې بیانیې کښې وویل پاکستان د ایران د اسلامي جمهوریت او د سعودي عربستان ترمینځ د ډيپلوماټیکو اړیکو د عادي کیدا تود هرکلی کوي.

د پاکستان د خارجه وزارت ویاندې ممتاز زهرا بلوچ وویل اسلام اباد د دغه تاریخي موافقې په غږملولو کښې د چین د مشرانو رول چې د رغنده تعامل او د معنا لرونکو خبرو اترو قدرت منعکسوي قدرونه کوي.