په پاکستان کې د پاراچنار په سیمې مرګونی بریدونه شوي
د پاکستان په پارچنار شیعه میشتې سیمې باندې د فرقه پالو بریدونو په پایله کې له۲۲ زیات عام وګړي وژل شوي دي.
د پاکستان په خیبر پختونخوا ایالت کې د پاراچنار په ښار کې چي د افغانستان له سرحد سره نږدې دی، کلونه کیږي چي د فرقه پالو ډلو ټپلو د بریدونو سره مخ دی، او د دې سیمې شیعه خلګو ته درانه ځاني او مالي زیانونه اوښتې دي.
ایرنا د پاکستاني رسنیو په حواله لیکي: بریدونه د پاراچنار په ښار باندې د ۶ ورځو لپاره دوام درلوده چي په کښې ۵۰ نه زیات کسان وژل شوي دي، پاکستاني چارواکو دغه بریدونه د فرقه پالو له لورې بللې دي.
په پاراچنار کې له دغو نښتو سره سم، ګرځبندیز اعلان شوی، اینټرنیټ بند شوی او حتي د دې ښار د ۷۰ سلنه سیمو برق هم بند شوی دی. پاکستاني چارواکو اعلان کړی دی په پاراچنار کې اوربند برقراره شوی او د حکومت په مینځګړیتوب سوله شوې ده خو د ځایي سرچینو په حواله سوله نه ده شوې او د سیمې د مشرانو مشتمله امن جرګه ناکامه شوې ده.
په پاکستان کې د وحدت مسلمین د ګوند مشر پاراچنار پېښو ته په اشارې سره ویلي دي چي دښمن د شیعه او سنی تر مینځ د اختلافاتو د رامینځ ته کولو په لټه کې دي، حکومت باید د دغو بریدونو لاملین ونیسي او سزا کړي.
د پاراچنار ښار د کرم ایجنسۍ مرکز او شیعه میشته سیمه ده چي په دې وروستیو کلونو کې د تکفیري فرقه پالو او ترهګرو ډلګیو د بریدونو قرباني شوې ده.
