د پاکستان خارجه وزارت د افغانستان د سفارت سرپرست احضار کړ
د پاکستان خارجه وزارت په هغه څه باندې په اعتراض کې چې په دغه هیواد کې د ځان مرګي حملو کې د افغان ښاریزو ګډون بلل شوی د افغانستان دسفارت سرپرست احضار کړ.
ایرناخبری آژانس راپور ورکړ، دپاکستان خارجه وزارت، په اسلام اباد کې د افغانسان په سفارت کې دسرپرست په توګه د طالبانو نماینده احضار کړ او له افغانستانه ئې په پاکستان کې د ترهه ګرو حملو په پلانونې او په ځان مرګو حملو کې دافغان ښاریزو دګډون په باب د اسلام اباد سخت اعتراض هغه ته وسپارۀ.
په اسلام اباد کې ډيپلوماټيکو سرچینو رسنیو ته ووئيل، چې پاکستان د ټي ټي پي د یوې سرغنې حافظ ګل بهادر د ورسپارلو پشمول څلور مطالبې د افغانستان طالبانو ته وړاندې کړی دي او ددغه هیواد په حدودو کې ئې د ترهه ګرو د کنټرولولو غوښته کړې ده.ګل بهادر وړمه ورځ په پاکستان کې د امنیتي ځواک په ضد دځانمرګي برید مسئولیّت په غاړه اخستی دی.
د پاکستان رسندویو وئیلي چې په دوشنبې ورځې ځان مرګی برید شپاړسم مورد دی چې د افغانستاني ښاریزو په وسیله ترسره شوی دی.
په همدې اساس د پاکستان حکومت په ګاونډيو هیوادونو باندې دافغانستان له حدودو دترهه ګرو عناصرو داستفادې په باب خپله ژوره اندیښنه مطرح کړې ده.
د پاکستان دپوځ ائي ایس پي آر ادارې پرون په یوې اعلامیې کې و ئيلي دي چې په دوشنبې ورځې په بنوښار کې په ځان مرګي حملې کې دوه عام کسان وژل شوي او د څو امنیتی مامورانو پشمول لس کسان پکې ټپیان شوي دي
