د ترهګرۍ اصلي ځای په افغانستان کې دی
د پاکستان پخواني دفاع وزیر په دغه هېواد کې د سه شنبې له مرګوني برید وروسته ویلي چې دا ډول برید ښيي چې ترهګري له افغانستانه سرچینه اخلي.
د پاکستان پوځ د سه شنبې په ماښام اعلان وکړ چې د خیبرپښتونخوا صوبې په «ډیره اسماعیل خان» کې د «درابن» په ښارګوټي کې د امنیتي ځواکونو پر پوستې باندې په برید کې ۲۳ تنه وژل شوي دي.
د تسنیم د راپور له مخې، د پاکستان پخواني دفاع وزیر خواجه محمد آصف د خیبر پښتونخوا صوبې په ډیره اسماعیل خان سیمه کې د پروني برید په غبرګون کې ویلي، چې دا برید ښيي، چې د ترهګرۍ اصلي ځای یوازې په افغانستان کې دی، آصف زیاته کړې چې «یو ګاونډي ورور" باید اجازه ورنه کړي چې خپل هېواد د پاکستان پر ضد وکاروي.
خواجه آصف په دې خبرې سره چې پاکستان له تېرو ۵۰ کلونو راهیسې د افغانستان د خلکو لپاره پناه ځای دی، زیاته کړه: په افغانستان کې تروریزم او د پاکستان پر تمامیت باندې برید، پر دې تاریخي او ورورګلوۍ اړیکو باندې اغېزه کوي.
د پاکستان د بهرنیو چارو وزارت هم د ډیره اسماعیل خان له برید وروسته، د طالبانو د حکومت شارژدافیر احضار کړی دی.
پاکستان تل د کابل حکومت د "تحریک طالبانو" په ملاتړ تورنوي او افغانستان هم تل دغه ادعاوې رد کړې دي.
