پاکستان د افغانستان د ځینو صادراتي توکو تعرفې کمې کړې
د پاکستاني رسندویو د راپور له مخې، دا پرېکړه وروسته له هغه وشوه چې تېره اوونۍ د افغانستان او پاکستان ترمنځ د «ژر نتیجه ورکوونکي» سوداګریز پروګرام په اړه موافقه وشوه، چې هدف یې د دوهاړخیز تجارت پراخول دي.
د پاکستان د سوداګرۍ وزارت دا وړاندیز کړی و، چې کابینې تر غور وروسته تایید کړ.
د دې نوې پرېکړې له مخې، پاکستان به پر یو شمېر افغان کرنیزو محصولاتو د وارداتو مالیې یا خو ختمې کړي یا به یې راکمې کړي. پر (ټماټرو) ۵ سلنه مالیه له منځه وړل شوې، او پر انګورو، انارو او مڼو تعرفه له ۵۳ سلنئ ۲۷ سلنې ته راټیټه شوې ده.
په بدل کې، افغانستان به هم د پاکستاني صادراتو پر محصولاتو مالیات راکم کړي. د پاکستاني الوګانو مالیه به له ۵۷ سلنې ۲۲ سلنې ته راښکته شي، او پر کیلې به ۳۰ سلنه کمښت راشي. د آم او کوپرۍ پر صادراتو به ګمرکي مالیه ختمه شي، او نور مالیات به له ۴۷ سلنې ۲۷ سلنې ته راکم شي.
