مونږ طالبان بیا ځلې غارونو ته د کاږلو صلاحیت لرو
زمونږ خبریال راپور راکړی د پاکستان دفاع وزیر خواجه محمد اصف وویل چې مونږ غارونو ته دوباره د طالبانو د ورکاږلو صلاحیت لرو.
هغه وویل مونږ د وروڼو هیوادونو په غوښتنه د امن لپاره خبرې پیل کړې خو د افغانستان د طالبانو واکمنانانو زهرجنې بیانیې د دوې د ناوړه فکر ښودنه کوي.
خواجه اصف وویل چې پاکستان ته د خپل ټول طاقت د استعمالولو ضرورت نشته او که چیرې وغواړي نو د «تورا بوړا» د ماتي منظرې به تکرار کړو.
د پاکستان دفاع وزیر خواجه اصف وویل د خواشینۍ خبره ده چې د طالبانو حکومت افغانستان دوباره د تباهۍ په لور ورکاږي.
هغه وویل د افغانستان طالبان یوازې د ناجایزې واکمنۍ د ساتلو هڅه کوي او د افغانستان د طالبانو جنګي معیشت یوازې په تباهۍ او وینې بهیدا ټینګ دی.
د پاکستان دفاع وزیر خواجه اصف وویل د افغانستان طالبان خپله کمزورتیا پیژندي خو بیا هم د جنګونو شعارونه ورکوي او که چیرې د طالبانو حکومت افغانستان تباه کول غواړي نو تباه دې کړي د امپراتوریو هدیره یوازې د افغانستان د عوام د تباهۍ نښه ده. افغانستان همیشه د امپراتورو د لوبې میدان پاتې شوی دی.
