پاکستان: د ايران سره د ستراتیژیکې همکارۍ څخه هرکلی کوو
پارس ټوډی – د پاکستان د بهرنیو چارو وزارت ویاند طاهر اندرابي ویلي، چې اسلاماباد د ایران له خوا د ستراتیژیک مشارکت د پراخېدو د وړاندیز هرکلی کوي.
هغه زیاته کړه چې د ایران–پاکستان د ګازو د نل لیکې پروژه د دواړو هېوادونو د بحث برخه ده او موږ یې په جدي ډول تعقیبوو.
د پاکستان د بهرنیو چارو وزارت ویاند طاهر اندرابي، د جمعې په اوونيزه خبري ناسته کې د ایران د ملي امنیت د عالي شورا د سکرتر علي لاریجاني له وروستیو څرګندونو هرکلی وکړ.
لاریجاني ويلي وو چې دواړه هېوادونه د ستراتیژیکې مشارکت د پراخېدو پراخ ظرفیت لري.
اندرابي وویل: موږ د ایران دغه دریځ ستایو، ځکه چې د پاکستان د مشرانو له لیدلوري سره په بشپړه توګه سمون لري او د ایران–پاکستان د اړیکو د پیاوړتیا غوښتنه کوي.
هغه زیاته کړه: د ایران او پاکستان د ګازو د نل لیکې پروژه تل د دواړو هېوادونو د خبرو اترو برخه وه، او موږ یې د تعقیبولو په اجنډا کې لرو.
