ګوترش له افغانستان او پاکستان څخه غوښتي چې له تاوتریخوالي ډډه وکړي

د ملګرو ملتونو سرمنشي آنتونیو ګوترش د افغانستان او پاکستان ترمنځ د نښتو په اړه اندېښنه ښودلې.

ګوترېش په یوه اعلامیه کې له دواړو لورو غوښتي چې د تاوتریخوالي له زیاتېدو ډډه وکړي او خپل اختلافات د خبرو او ډیپلوماسۍ له لارې حل کړي.

اعلامیه کې ټینګار شوی چې دواړه لوري باید خپلو نړیوالو ژمنو په ځانګړې توګه د ملکي وګړو خوندیتوب ته ژمن پاتې شي.

آنتونیو ګوترش د قطر، ترکیې او عربستان منځګړیتوب ته په اشارې سره، د ډیپلوماټیکو اړیکو له لارې د هر ډول اختلافاتو د حل لپاره د هڅو پر دوام هم ټینګار کړی دی.