د نړئ ترټولو سرکش حکومت پخپله د امریکا حکومت دی
پارس ټوډې- د پاکستان تکړه ژورنالیسټ او مهشور شناندي حامد میر د ډونالډ ټرمپ د جنګ غواړي خوي په ضد دامریکا د میلیوني لاریونونو کرکه او غوسه د رژيم د بدلیدا لپاره د یوې حقیقي غوښتې په معنا وبلله او وې وئيل؛د امریکا په ټولنې کې د ټرمپ په ضد احساسات زیات شوي دي او دوي د خپل سرکش ولسمشر د درملنې غوښتنه کوي.
پارس ټودې راپور ورکړی، د پاکستان مشهور ژورنالیسټ او د جیو نیوز خبری چینل نامتو اینکر حامد میر د ؛سرکش ټرمپ معالجې؛ په عنوان سره په یوه یاددښت کې لیکلي دي، د امریکا خلک مودې کیږي، چې له خپل ولسمشر ټرمپ څخه کرکه کوي، خو د مارچ په ۲۸ نیټه دغه کرکه او نفرت په یوه عمومی ولسی پاڅون بدل شوی دی. هغه زیاته کړې ده، په یوې ورځې کې،میلیونونو امریکایان د امریکا په لسګونو ښارونو کې واټونو ته راووتل او د پاچائي نه غواړو ؛ ګو ټرپ ګو؛ په څير شعارونه پورته کړل. ټرمپ چې د ۲۰۲۶ کال د مارچ په لومړیو کې ئې له اسرائيلو سره په ملګرتیا سره پر ایران حمله وکړه او د ایران خلکو ته ئې وئیلي وو، د نظام د بدلولو لپاره واټونو ته ووځئ،خو یوازې په څلورو اونیو کې د همدغه کرغیړن ټرمپ په ضد د امریکا خلک د خپل هیواد د لسګونو ښارونو واټونو ته ووتل او د ګو ترمپ ګو ،چغې ئې پورته کړې . ددغه عمومي پاڅون تر ټولو لوي دلیل د ایران په ضد دټرمپ جنګ دی چې همدغه د امریکا خلکو ته د اقتصادي شاکونو د رامینځةکیدا سبب شوی دی.
حامد میر په دغه یاددښت کې مخکې لیکلي دي، ټرمپ په دې اند ؤ چې د اسلامی انقلاب د رهبر امام خامنه اي له ترور وروسته به ایران کې نظام بدل شي او هماغه ډول چې امریکائي شرکتونو د ونزویلا د ولسمشر له نیول کیدا وروسته ددغه هیواد تیلی زیرمې لوټ کړې ،، همدغه پيښه به په ایران کې هم رامینځة شي. خو د ایران په باب د ټرمپ ټول اټکلونه د اوبو به سر ځلوب شو. ایران د هرمز تنګي کنټرول پخپل لاس کې واخست او په درستې نړئ کې د تیلو بحران رامینځة شو. ددغه جنګ په اوږدیدا سره له ډونالډټرمپ څخه عمومي خپګانونه په نفرت او کرکې بدل شول. اروپائي هیوادونو هم دایران په ضد د ټرمپ له جنګ سره له یوځاي کیدا ډډه وکړه.
د پاکستان د ټیلییویژني چینلونو دغه تکړه مجری زیاته کړې ده،په فارس خلیج هیوادونو کې د امریکاپه پوځي اډو باندې حملې پيل کړي دي چې چې د یوه زبرځواک په توګه ئې د امریکا اعتبار هم تاواني کړ. هغه وئیلي دي، د امریکا یو مشهور څيړاند او نظریه وړاندې کونکي نوام چامسکي کلونو مخکې یو کتاب لیکلی چې د ؛ باغي حکومتونو ؛په عنوان سره ئې ترجمه خپره شوې ده. چامسکي په په دغه کتاب کې لیکلي دي ، امریکا؛ ایران ،عراق اوشمالي کوریا د باغي هیوادونو په توګه اعلانوي،خو په حقیقت کې پخپله امریکا د نړئ ترټولو باغي او یاغي حکومت دی چې دهیڅ یوه نړیوال قانون پیروي نه کوي.
