ایران او پاکستان خپلې تجارتي اړیکې نوره هم پراخوي
پارس ټوډې - د ایران د صنعت، کانونو او سوداګرۍ وزارت لوړپوړي چارواکي، د پاکستان د سوداګرۍ وزارت استازي، د دواړو هېوادونو د سوداګرۍ د پراختیا د ادارو مدیران او د خصوصي سیکټر استازي د دې غونډې په پرانیست غونډه کې ګډون لري.
ایرناخبری آ ژانس له اسلام اباده راپور ورکړی د ایران او پاکستان د ګډې سوداګرۍ د کمېټې غونډه نن سهار د ایران د اسلامی جمهوریت د صنعت، کانونو او سوداګرۍ د وزیر په شتون کې په اسلام اباد کې په سرینا هوټل کې پرانیستل شوه
د ایران او پاکستان د ګډې سوداګرۍ د کمېټې لسمه غونډه د ایران د لوړپوړي پلاوي په ګډون، چې مشري ئې د ایران د صنعت، کانونو او سوداګرۍ د چارو وزیر سید محمد اتابک کوي او د پاکستان د سوداګرۍ د چارو د وزیر په شتون کې په اسلامآباد کې ترسره شوه.
د ایران د صنعت، کانونو او سوداګرۍ وزارت لوړپوړي چارواکي، د پاکستان د سوداګرۍ وزارت استازي، د دواړو هېوادونو د سوداګرۍ د پراختیا د ادارو مدیران او د خصوصي سیکټر استازي د دې غونډې په پرانیست غونډه کې ګډون لري.
پاکستان ته د سید محمد اتابک د سفر د خبرو اترو اصلي ایجنډا پر ۱۹ مهمو چورلیزونو ولاړه ده، چې تر ټولو مهم ئې د ایران او پاکستان ترمنځ د آزادې سوداګرۍ د تړون د متن نهائي کول، دد شیانو په مقابل کې د شیانو مبادله (تهاتر) د میکانېزم رامنځته کول او د دواړو هېوادونو ترمنځ د شویو هوکړو ارزونه ده.
همدارنګه ټاکل شوې ده ،په دغو خبرو اترو کې د ټرانزیټي ستونزو د حل او د پاکستان په بندرونو کې د ایرانيو کانټینرونو د انتقال د بهیر د اسانه کولو په اړه هم بحث وشي.
د ریمدان – ګبد په سرحدي سیمې کې د سرحدي بیخ بینائيو پراختیا، د چابهار د ازادې سوداګریزې سیمې له جلا شوې برخې څخه د پاکستان تر پولې پورې د خپلواکه لارې جوړول، او د سړک له لارې د ټرانسپورټ اسانتیاوې د سرحدي لوجستیک د ښه والي لپاره د وزیر د پروګرامونو له مهمو برخو څخه دي.
په سمندري برخې کې به د ګوادر سمندري پولې د ریمدان له پولې سره نښلول او د چابهار او ګوادر بندرونو د وصل له لارې د اورګاډي کریډور پراختیا هم تعقیب شي.
د ګډو صنعتي تولیداتو پراختیا، په ځانګړې توګه د کپړې په برخې کې، د سوداګرو د بانکي او مالي ستونزو حل، د سوداګریزو ویزو د ورکړې اسانتیا، او د ګډو سرحدي بازارونو فعالول هم هغه مهم موضوعګانې دي چې اتابک به یې له خپلو پاکستانيو سیالانو سره د دواړو هېوادونو ترمنځ د ۱۰ میلیارد ډالرو سوداګرۍ د نقشې د عملي کولو لپاره وڅېړي.
