په اسلام آباد کښې د هند د شارډز افیئر احضار

د پاکستان د بهرنیو چارو وزارت د کشمیر په کنټرول لائن کښې د هندی ځواکونو په حملو باندې په اعتراض کښې په اسلام آباد کښې د هند د سفارت شارډز افیئر احضار کړ.

زمونږ د خبریال د رپوټ له مخې د پاکستان د بهرنیو چارو د وزارت د اېشیا د جنوب د برخې مشر بېګا د کشمیر په کنټرول لائن کښې د هندی ځواکونو په وروستیو حملو باندې د خپل هېواد اعتراض جی پی سېنګ ته وړاندې کړ.

محمد فېصل وویل: په بې دفاع خلقو باندې حملې د انسانی ارزښتونو او نړیوالو قوانینو په خلاف اقدام دے.

هغه له هندی  چارواکو وغوښتل چې د اسلام آباد او نوی ډیلی ترمېنځ د 2003 د ډزبندۍ د معاهدې ا حترام دې وکړی او په کنټرول لائن کښې د صلحې او ارامښت د ټینګښت لپاره دې کوشش وکړی.

په پرونیو حملو کښې د هند پوله ایزو ځواکونو د کشمیر په کنټرول لائن کښې درې پاکستانیان ووژل شول او پینځه نور ژوبل شول.

دغه د هند د فوځ لخوا په وروستیو دولسو ورځو کښې د ډزبندۍ پینځمه خلاف ورزی ده چې په نتیجه کښې یې د پینځو ښځو په شمول یولس تنه مړۀ او اوۀ دېرش نور ژوبل شول.