پاکستان باید د ګازو تړون زر بشپړ او اجرا کړی

ایرنا خبری اژانس وایی په پاکستان کښې دایران داسلامی جمهوریت سفیر «مهدی هنر دوست »پاکستان ته د صلحې د نل لیک په نوم د ایران د ګازو د انتقال د پایپ لاین د پروژې د تړون په چټک ډول په اجرا کیدا ټینګار وکړ .

هغه دصلحې د نل لیک په نوم پاکستان ته دایران د ګازو د انتقال دپایپ لاین د پروژې د بشپړیدا او اجرا لپاره د پاکستان په جدی اقدام ټینګار سره وویل له پاکستان سره دایران دتجارت اندازه څه دپاسه پینځلس سوه(۱۵۰۰)میلیونه ډالره ده او د ګازو دنل لیکې بشپړیدل د پاکستان برخلیک بدلولای شی .

په پاکستان کښې دایران داسلامی جمهوریت سفیر مهدی هنر دوست د صلحې دګازو دنل لیکې دپروژې د بشپړولو لپاره د اسلام اباد  د حکومت په بې پامۍ نیوکه وکړه او ویې ویل ایران له پاکستان سره اړیکو ته ځانګړی اهمیت ورکوی خو امریکا او نور اروپایی هیوادونه داسلامی هیوادونو ترمینځ د تفرقې په رامینځته کولو سره په مینځنی ختیځ د واکمنۍ کوشش کوی .

د ایران اسلامی جمهوریت پاکستان ته د صادراتو لپاره دګازو دنل لیکې دتړون په وړاندې په خپلو ژمونو عمل کړی دی او د پاکستان تر سرحد پورې یې د  ګازو نل لیکه جوړه کړی  ده خو اسلام اباد تراوسه دخپلو  ژمنو د اجرا په لاره کښې هیڅ عملی ګام نه دی پورته کړی او هماغه راز دایران پرضد دامریکا  بایکاټونه یوه(۱) پلمه ګرځوی .

په پاکستان کښې د ګازو او دبریښنا کمی او د سونګو او دانرژۍ لوړې بیې  او په هیواد کښې هره ورځ د ډیرو ساعتونو لپاره د بریښنا غوڅیدل دخلکو لپاره یوه(۱) جدی ستونزه او مشکل دی او د اسلام اباد حکومت تراوسه نه دی توانیدلی چې د انرژۍ او دسونګو دغه مشکلات حل کړی .

اقتصادی کارپیژاندی وایی که چیرې  پاکستان زر له ایران څخه ګاز او بریښنا وارده  کړی نو  ددغه هیواد اقتصاد به بیخی زیات پیاوړی شی او  د میلیونونو خلکو لپاره به د ګارروزګار فرصتونه هم رامینځته شی .

سعودی عربستان او امریکا له ایران څخه پاکستان ته دګازو د انتقال په لاره کښې خنډونه جوړوی .