پاکستان دې په قبایلي سیمو کې د داعش مخه ونیسي
د پاکستان په قبایلي سیمې کورمې ایجنسۍ کې د پاکستان د وحدت مسلمین استازي په دغه سیمه کې د داعش له خوا د غړو له نیولو سره د دولت د پریکنده چلند غوښتنه وکړه.
د تسنیم خبري اژانس د راپور له مخې شبیر حسین ساجدي وویل: د پاکستان په شمال لویدیځو سیمو کې د داعش فعالیت زیات شوی او هغوي د پاکستان په خاوره کې د ځان لپاره د غړو په نیولو او عملیاتو په پیلولو لګیا دي.
هغه زیاته کړه په تیرو څو میاشتو کې د پاکستان پوځ په سیمه کې څو کامیاب عملیات کړې چې د داعش د دتوطئو د زیاتې برخې د شنډیدو سبب شوې خو دغه عملیات کافي نه دي.
په کورمه کې وحدت مسلمین استازي ټینګار وکړ: کومې وسلې چې داعش ترهه ګره ډله لري د امریکا له خوا هغوی ته رسیدلې او د واشنګټن چارواکي د داعش په پیاوړې کولو لګیا دي.
له دې مخکې هم د پاکستان د مجلس وحدت مسلمین ګوند عمومي منشي امریکا او صهیونسټ رژیم په سیمه کې د داعش ملاتړي ګڼلې وو.
علامه راجا ناصر عباسي جعفري ویلې وو: امریکا او صهیونسټ رژیم د تکفیري ډلو د جنایتونو ملاتړ کوي او له هغوي د سیمې د ناامنه کولو لپاره استفاده کوي.
