پاکستانی طالبانو مفتي نور ولي محسود نوى مشر ټاکلی دی
مخکی د طالبانو لخوا داسی راپورونه خپره شوی وو چی قاری عمر حمان د دغې ډلګۍ نوې مشر ټاکل شوی دی .
د پاکستانيو طالبانو ډلې ټي ټي پي له خوا پاکستانيو رسنيو ته په يوه استول شوې خبرپاڼه کې راغلي چې مفتي مزاحم د مرستيال مشر په توګه ټاکل شوى دى.
سرچينو ويلي، نور ولي محسود د پاکستانيو طالبانو د پخواني مشر بيت الله محسود له نږدې ملګرو څخه شمېرل کېږي.
راپورونه وايي چې ٤٠ کلن نور ولي د پاکستانيو طالبانو پر تحريک يو کتاب هم ليکلى و، چې په کې يې د نورو موضوعاتو ترڅنګ د پاکستان د پخوانۍ صدراعظمې مېرمن بينظير بوټو په وژلو کې ددې ډلې لاس لرل هم په ډاګه کړي وو.
پاکستانيو طالبانو د امريکا په يوه هوايي بريد کې د خپل مشر ملا فضل الله وژنه تاييد کړې او مفتي نور ولي محسود يې نوى مشر ټاکلى دى.
د پاکستانيو طالبانو نوى مشر نور ولي محسود د سوېلي وزيرستان د تيارزه سيمې اوسېدونکى دى،د پنجاب په فيصل اباد، ګوجرانواله او د کراچۍ په مدرسو کې يې ديني زده کړې کړې دي.
د سرچينو د معلوماتو له مخى، نوموړى په ٢٠١٤ کال کې د امريکا له يوه بې پيلوټه بريده چې د سوېلي وزيرستان په سروکۍ سيمه کې شوى و، روغ وتلى و.
