د پاکستان د پخوانيو دوو ولسمشرانو د اموالو تحقيقات
د پاکستان سترې محکمې د پاکستان د دوو پخوانيو ولسمشرانو پروېز مشرف غو آصف علي زرداري له هېواده د بهرنيو اموالو د تحقيقاتو حکم جاري کړ.
د تسنيم خبري اژانس د رپوټ له مخې د پاکستان د سترې محکمې يا سپريم کورټ مشر وويل، د پاکستاني مطرح شويو سياستدانانو د اموالو تفصيلات پکار دي اعلان شي او دهغوي د اقتصادي فساد د ثابتېدو په صورت کښې دې دغه اموال د سترو اقتصادي پروژو لپاره ضبط شي.
چيف جسټس ثاقب نثار له پاکستانه بهر په بېنکونو کښې د دغو کسانو د دقيقې موجودو رقمونو د مشخص کېدو غوښتنه وکړه او وې ويل پکار دي د دغو کسانو بېنکي اکاونټونه په دقيقه توګه وجاجولې شي چې د هغوي د شتمنيو پوره اندازه ولګي.
دا په داسې حال کښې دي چې د پاکستان پيپلز پارټۍ له دې مخکې ويلي وو چې له پاکستانه په بهر کښې د آصف علي زرداري شتمنۍ په کامله توګه اعلان شوې دي.
په همدې حال کښې د پاکستان د پخواني ولسمشر پرويز مشرف وکيل هم وويل، چې په راتلونکو دوو هفتو کښې به له هېواده په بهر کښې د خپل موکل شتمنۍ اعلان کړي.
