د پاکستان په کراچۍ کښې پنځه ترهګر ونیوی شول

د پاکستان پولیسو د سند صوبې په مرکز کراچۍ ښار کښې پنځه ترهګر ونیول.

تسنیم خبري آژانس لیکلي چې د کراچۍ ښار پولیسو د دغه ښار په ناامنو سیمو کښې د تلاشۍ په پوسټو کښې پنځه ترهګر ونیول او ورڅخه یې زیاته اندازه وسله او مهمات ضبط کړل.

د کراچۍ پولیس وايي چې نیول شویو کسانو د کراچۍ په مختلفو سیمو کښې د ترهګرو عملیاتو د کولو نیت درلود.

دا په داسې حال کښې دي چې دوه ورځې مخکښې د کراچۍ په ناظم آباد سیمه کښې یو انجنیئر د نامعلومو کسانو په ډزو کښې وژل شوی و.