پاکستان له اسلامی ایران سره دملګرتیاپه پیاوړتیا کلک هوډ لری
فواد چوهدری په پاکستان کې د ایران له سفیره وغوښتل په اسلام اباد کې د رحمت اللعالمین نړیوال کنفرانس کې دې د ایرانیو دینی عالمانو د شتون زمینه برابره کړی . د ربیع الاول میاشت په رارسیدا او دپیغمبر اکرم د نیکمرغه زوکړې د شپو ورځو په درشل کې د نومبر په شلمه نیټه په اسلام اباد کې د مسلمانو عالمانو نړیوال کنفرانس ترسره کیږی .
ایرناخبری آژانس راپورورکړ د پاکستان داطلاعاتو وزیر فواد چوهدری پرون مازدیګر په اسلام اباد کې داسلامی ایران له سفیر مهدی هنردوست سره په کتنې کې وئیلی دی ، د دواړو هیوادونو ترمینځ کلتوری مبادلات نه یوازې د دود اودستورو دپیژندګلوۍ او د کلتوری او دودیزو ارزښتونو لپاره مهم دی ، بلکې دایران اوپاکستان د ملتونو دارتباط دلوړتیا لپاره داغیزمنو ګامونو پورته کول له ډیرزیات اهمیّته برخمن دی .
فواد چوهدری په پاکستان کې د ایران له سفیره وغوښتل په اسلام اباد کې د رحمت اللعالمین نړیوال کنفرانس کې دې د ایرانیو دینی عالمانو د شتون زمینه برابره کړی .
د ربیع الاول میاشت په رارسیدا او دپیغمبر اکرم د نیکمرغه زوکړې د شپو ورځو په درشل کې د نومبر په شلمه نیټه په اسلام اباد کې د مسلمانو عالمانو نړیوال کنفرانس ترسره کیږی .
په پاکستان کې دایران سفیر هم په دغې کتنې کې دفلم جوړونې ،هنر اوسینما په ډګرونو کې داسلامی ایران دظرفیّتونو په بیانولو سره ووئیل ، ایران له خپل دوست او ورور ګاونډی هیواد پاکستان سره دکلتوری اړیکو له پیاوړی کولو سره دیره دلچسپی لری .
مهدی هنر دوست په بیلابیلو کلتوری اورسندوئی ډ ګرونو کې د دواړو هیوادونو دملګرتیاؤ دپراختیا لپاره داسلامی ایران چمتووالی اعلان کړ. هنردوست همداراز دپاکستان اوایران د ولسونو د ډ یرو تاریخی ،کلتوری ، اودینی مشترکاتو په بیانولو سره د مسلمانو اوورور ګاونډیو هیوادونو ترمینځ د ولسونو دپیژندګلوۍ د لوړتیا لپاره د دوو اړخیزو ملګرتیاؤ د پیاوړتیا په ضرورت هم ټینګار وکړ .
په پاکستان کې داسلامی ایران سفیر همداراز دپاکستان د ریلوې دچارو له وزیر شیخ رشید احمد سره هم په کتنې کې د سیمه ایزې ملګرتیا د پراختیا په موخې سره د اسلام اباد تهران او استانبول د اکو ریل پټلۍ پر عملیاتي کیدا هم ټينګار کړی او د ریل پټلۍ په پروژو کې دګډون لپاهر دایرانیو شرکتونو دتوانمنیو په بیانولو سره ئې په ټولو زمینو په تیره بیا د ریلي ملګرتیا دپراختیا لپاره دتهران چمتووالی اعلان کړ.
دپاکستان دریلوې دچارو وزیر شیخ رشید احمد هم د ایران د جنوب ختیځ او دپاکستان د بلوچستان صوبې دکویټه تفتان د ریل لارې پیاوړتیا له ایران سره دخپل هیواد داړیکو په تیره بیا دتجارتي اواقتصادي اړیکو دپیاوړتیا لپاره ضروري وبلله.
ایکو ریل چې په تیرو کلونو کې ئې د پاکستان ،ایران اوترکیې په لاره کې په تګ راتګ سره ،د دغو هیوادونو ترمینځ د تجارتي تعامل اوټرانزیټ د پراختیا زمینه برابره کړې وه ، څو کاله کیږي ، چې دریدلی دی . د دغه ریل ګاډي دریدا اصلی علت ، دپاکستان دریل پټلۍ اوتجهیزاتو ورستیدا اوبې کاره کیدا ده د دغه ریل ګاډي دبیرته روانیدا، دایران اوپاکستان ترمینځ د ټوریزم د سفر د آسانتیا زمینه هم برابرولی شي .