عمران خان د پاکستان په بلوچستان کښې شوې ترهګره حمله وغندله

د پاکستان وزیراعظم د دغه هیواد د بلوچستان صوبې په لورالايي ښار کښې شوې ترهګره حمله په کلکه غندلې ده.

عمران خان د لورالايي د حملې په غبرګون کښې وویل: د ترهګرۍ خلاف جنګ جاري دی او ترهګر په دا ډول اقداماتو سره په دې لړ کښې د پاکستان د خلکو او امنیتي ځواکونو هوډ نه شي کمزورې کولی.

هغه ټینګار وکړ چې پاکستان د ترهګرو لپاره امن او خوندي ځای نه دی.

د ویلو ده چې د بلوچستان صوبې په لورالايي ښار کښې د پولیسو په یو مرکز باندې په پرونۍ ترهګره حمله کښې لس تنه وژل شوي او ۲۱ نور زخمي شوي دي.

حمله کونکي ترهګر هم د پاکستاني پولیسو په ډزو لګیدلي او سرونه یې خوړلې دي.

د دغې ترهګرې حملې پړه لا چا نه ده منلې.