هندوستان له پاکستان سره د اړیکو سمولو ته تیار دی

د هندوستان وزیراعظم له پاکستان سره خبرو اترو او د دواړو هیوادونو ترمینځ د موجودو شخړو کمولو ته خپل چمتووالی اعلان کړ.

تسنیم خبري آژانس لیکلي چې د هندوستان وزیراعظم نریندر مودي د پاکستان په پارلیماني انتخاباتو کښې د عمران خان له بریا وروسته په وړومبي ځل د دواړو هیوادونو ترمینځ د اختلافاتو د هواري لپاره له اسلام آباد سره د مذاکرې غوښتنه وکړه.

د عمران خان له وزیراعظم جوړیدو وروسته پاکستان په کراتو له هند سره د اړیکو د ښه کولو په لړ کښې د خبرواترو غوښتنه کړې وه خو نوي ډیلي نه منله.

د ویلو ده چې د هند تر کنټرول لاندې کشمیر په پُلوامه کښې له تیرې حملې وروسته چې ۴۴ هندي پوځیان په کښې وژل شوي وو، د هند او پاکستان ترمینځ کشاله لازیاته شوې ده.