پاکستان او چین د هندوستان نوې توغندوي آزماینې ته غبرګون وښود
هندوستان پرون ویلي وو چې د توغندوي په کارولو سره یې په فضا کښې خپله یوه سپوږمکۍ ویشتې ده.
هندوستان پرون ویلي وو چې د توغندوي په کارولو سره یې په فضا کښې خپله یوه سپوږمکۍ ویشتې ده او داشان هندوستان د امریکې، روسیې او چین په شان هیوادونو په ډله کښې شامل شوی چې کوی شي توغندي په فضا کښې له مینځه یوسي، چې د پاکستان او چین قهر یې راپارولی دی.
د ایرنا د خبر له مخې، د پاکستان د خارجه وزارت ویاند د هندوستان د دې آزماینې په غبرګون کښې وویل: نوی ډیلی دې په فضا کښې وسله والې سیالۍ ته لمن نه وهي.
محمد فیصل وویل: فضا د انسان ګډ میراث دی او ټولو هیوادونو ته پکار دي چې د دې برخې د پوځي کیدو مخه ونیسي.
هم دا شان د چین د بهرنیو چارو وزارت هم د هندوستان توغندوي تجربې ته غبرګون وښود او هیله یې څرګنده کړه چې ټول هیوادونه په فضا کښې صلحه او ثبات وساتي.
د ویلو ده چې هندوستان تراوسه درې ځلې له پاکستان او یو ځل له چین سره جنګ کړی دی
