د پاکستان خارجه وزیر له کشمیریانو سره خواخوږي څرګنده کړه

د پاکستان د بهرنیو چارو وزیر وویل چې اسلام آباد د کشمیر له خلکو سره چې د هندوستان د حکومت له ظلم سره مخامخ دي، همدردي او غمرازي کوي.

شاه محمود قریشي دې ټکي ته په اشارې سره چې د هندوستان له خوا د کشمیر د مظلومو خلکو د ځپنې لپاره سخت کوششونه روان دي، څرګنده کړه: باید احتیاط وشي چې د پلواما د پيښې په شان حادثه تکرار نه شي چې د پاکستان د تورنیدو لامل شوې وه.

د پاکستان خارجه وزیر زیاته کړه: اسلام آباد اندیښمن دی چې هسې نه نوی ډیلی د پلواما د پيښې په شان ډرامې په اجرا کولو سره یوځل بیا خپل پاکستاني ضده تبلیغات پيل کړي. هغه زیاته کړه چې اسلام آباد به د کشمیر د مسئلې په لړ کښې هیڅ کله تسلیم نه شي.