په ملګرو ملتو کښې د پاکستان د استازي ناڅاپه بدلېدل
Oct 01, 2019 10:36 Asia/Kabul
د پاکستان حکومت په يو ناڅاپه اقدام کښې په ملګرو ملتو کښې د دغه هېواد استازې څنګته کړه.
د پاکستان ستر ټي وي چېنل جيو ټي وي رپوټ ورکړ، د اسلام اباد حکومت د ملګرو ملتو د عمومي اسمبلۍ په غونډه کښې د ګډون لپاره امريکې ته د عمران خان له سفره وروسته په يو اقدام کښې چې وجه يې اعلان نه شوه په دغه نړيواله اداره کښې خپله استازې مېرمن مليحه لودهي څنګته کړه.
د پاکستان خارجه وزارت وويل منير اکرم به چې يو مخينه لرونکے ډېپلومېټ ګڼل کيږي په ملګرو ملتو کښې د اسلام آباد نوے استازے وي.
دغې وزارتخانې همدارنګ خليل احمد هاشمي د ملګرو ملتو د بشري حقوقو په شورا کښې د پاکستان د نوي استازي په توګه معرفي کړ.
ټیګونه
