زرګونه پاکستانیان په میعادي تبې پریوتې دي
Nov 23, 2019 04:15 Asia/Kabul
د پاکستان څه باندې یوولس زره کسان چې زیاتره په کښې ماشومان دي، په میعادي تبې Typhoid اخته شوې دي.
د خپرو شویو رپورټونو له مخې دغه کسان له ۲۰۱۶ کال راهیسې په میادي تبې ککړ شوې دي او ښايي دا ناروغي د پاکستان په خلکو کښې لا پراخه او خوره شي.
د دغې ناروغۍ له امله د مړو شمیر هم تراوسه سلګونو تنو ته رسیدلی دی چې زیاتره یې د سند صوبې خلک دي.
پاکستاني چارواکو د دې ناروغۍ د درملنې لپاره د نومبر له پنځلسمې څخه د بهرنیو هیوادونو په مرستې سره په ټول هیواد کښې د Typhoid د مخنیوي ویکسینیشن پیل کړی دی.
چارواکي وايي په تیرو څلورو ورځو کښې په کراچۍ او حیدر آباد کښې ۳۴ لکه (درې میلیونه او څلور سوه زره) ماشومانو ته د دغې ناروغۍ ویکسین ورکړی شوی دی.
پاکستان له مخکښې نه هم د پولیو او ډینګي تبې په شان سختو ناروغیو سره لاس او ګریوان دی.
ټیګونه
