د مشرف پلویانو د پاکستان په مختلفو ښارونو کښې مظاهرې وکړې
د پاکستان د ځانګړې محکمې له خوا د دغه هیواد د پخواني ولسمشر د پانسۍ د حکم له اعلانیدو یوه ورځ وروسته د هغه پلویان په دغه حکم باندې په اعتراض کښې سړکونو ته راووتل.
د ایرنا د خبر له مخې د پاکستان د پنجاب او سند صوبو په مختلفو ښارونو کښې پرون د مدني ټولنې، محصلینو او د متقاعد جنرال پرویز مشرف د پلاویانو له خوا لاریونونه او مظاهرې وشوې.
د مشرف ملاتړي په لاهور، کراچۍ، مظفر او حیدر آباد ښارونو کښې هم د مشرف خلاف د خیانت د دوسیې په تړاؤ د پاکستان د ځانګړې محکمې په فاینل حکم باندې اعتراض کښې راغونډ شول او د دغه هیواد له پوځه د ملاتړ اعلانولو په ترڅ کښې یې له مشرف سره خپل پیوستون څرګند کړ او د راولپنډۍ او سبي په شمول ځینو نورو ښارونو کښې هم د آل پاکستان مسلم لیګ په نوم د مشرف د ګوند غړو اعتراضي لاریون وکړ.
له بلې خوا د پنجاب او لیّه پوهنتونونو محصلینو د پاکستان د پخواني ولسمشر په ملاتړ کښې تجمع وکړه.
