په پاکستان کښې د امریکا ضد مظاهرې وشوې
په پاکستان کښې د امریکا ضد مظاهرې وشوې
زمونږ خبریال وايي د پاکستان خلکو په سیمه کښې د امریکا په سیاستونو او د ایران د اسلامي انقلاب د سپاه پاسداران د قدس ځواک د قومندان ډګر جنرال قاسم سلیماني په ټرور کښې د واشنګټن په ترهګر اقدام اعتراض کښې په اسلام اباد کښې د امریکا د سفارت مخ ته مظاهرې وکړې .
په دغو مظاهرو کښې چې پرون د پاکستان د ولسي غورځنګونو لخوا وشوې ګډون کونکو د ایران د اسلامي انقلاب د سپاه پاسداران ځواک د قومندان شهید ډګر جنرال قاسم سلیماني او د هغه د ملګرو د سرشیندونو قدرونه وکړه .
د پاکستان مظاهره چیانو د امریکا د بیرغ په سوځولو او د واشنګټن له غلیمانه سیاستونو په کرکې او نفرت څرګندولو سره له سیمې د واشنګټن د عسکرو د وتلو غوښتنه وکړه .
په اسلام اباد کښې د امریکا ضد مظاهرې په داسې حال کښې وشوې چې د امریکا د خارجه وزیر مرستیاله میرمن الیس ویلز(Alice Wells) پاکستان ته تللي ده .
ټاکل شوي ده چې د پاکستان په نورو ښارونو کښې هم د امریکا ضد مظاهرې وشي .
د جنوبي اسیا په چارو کښې د امریکا د خارجه وزیر مرستیاله میرمن الیس ویلز به د پاکستان له پوځي او سیاسي چارواکو سره د دواړو هیوادونو د اړیکو د افغانستان د پخلاینې د پروسې ، د کشمیر د مسلې او په سیمه کښې د روانو تاوتریخوالو په اړه خبرې وکړي .
ایلس ویلز به څلور (۴) ورځې په پاکستان کښې وي هغه له هندوستان ته له سفر وروسته اوس اسلام اباد ته تللي ده .
