کورونا وایروس پاکستان ته هم رسیدلی
زمونږخبریال وايي د روغتیا په چارو کښې د پاکستان د لومړي وزیر ځانګړي مرستیال ډاکټر ظفر میرزا بیګا په کورونا وایروس د دغه هیواد د دوو (۲) ښاریزو د ککړیدا خبر ورکړ .
هغه وویل دغه دوه (۲) کسان د طبي پروټوکولو پراساس تر څارنې لاندې دي او جسمي حالت یې ښه دی .
د روغتیا په چارو کښې د پاکستان د لومړي وزیر ځانګړي مرستیال ډاکټر ظفر میرزا دغه راز د هیوا په خلکو غږ وکړ چې وارخطا نشي ځکه چې هرڅه تر کنټرول لاندې دي .
په پاکستان کښې په کورونا وایروس یو(۱) ککړ کس د سیند صوبې د کراچۍ ښار وسیدونکی دی او بل کس هم د فیډرال سیمې ښاریز دی .
کورونا وایروس چې د چین له ووهان ښار څخه پیل شوی تراوسه د امریکا د انګلستان د اسټرالیا د تایلینډ د جنوبي کوریا ، جاپان ، کاناډا ، ایټالیا ، فرانسې ، سعودي عربستان او د متحده عربي اماراتو په شمول د نړۍ څه د پاسه پینځو دیرشو(۳۵) هیوادونو ته خپور شوی او له کبله یې تراوسه کابو دوه زره او اوه سوه (۲۷۰۰) کسان وژل شوي هم دي .
