زرګونو پاکستانیانو ته چیني واکسن ووهل شول
په داسې حال کښې چې چین د خپل جوړ کړي کرونا ویکسین د تاییدیدو په تمه دی، زرګونو پاکستانیانو په رضاکارانه توګه ځانته دغه واکسن ولګول
په داسې حال کښې چې چین د خپل جوړ کړي کرونا ویکسین د تاییدیدو په تمه دی، زرګونو پاکستانیانو په رضاکارانه توګه ځانته دغه واکسن ولګول
د پاکستان د ویکسنیشن چارواکو ویلي چې له ۱۰ زرو رضاکارانو څخه کابو ۷ زرو ته د کرونا چینايي ویکسین لګول شوي دي.
دغه ویکسین د بیجنګ په بایو ټیکنالوجۍ موسسې کښې جوړ کړې شوې دي.
د اسلام آباد په شفا روغتون کښې یو رضاکار د نوم د نه ښودل کیدو په غوښتنې سره وویل چې د انساني جذبې له مخې چې د انسانیت مرسته ده، د دغه ویکسین وهلو ته یې غاړه ایښې ده. دغه کسانو ته د ویکسین د لګولو په بدل کښې ۵۰ امریکايي ډالر ورکول کیږي.
په پاکستان کښې پر ویکسینیشن باندې د څارنې مسئول کارپوه اعجاز احمد خان ویلي چې د ویکسین د اثر وړومبي نتایج به تر راتلونکو دوو یا دریو میاشتو کښې معلوم شي.
د رسمي او سرکاري احصائیو له مخې په پاکستان کښې څه باندې ۳ لکه ۸۲ زره کسان په کرونا وایرس ککړ شوي دي او له ۷ زره ۸۰۰ زیاتو کسانو هم سرونه بایللي دي.
