صهیونیسټي رژيم په غزه کښې یو بل بُرج په توغندیو اویشته
فلسطیني سرچینو د غزې تړانګې په شمال کښې په یوې بلې لوړې ودانۍ باندې د صهیونیسټي رژیم د پوځ د توغندوي حملې خبر ورکړ
فلسطیني سرچینو د غزې تړانګې په شمال کښې په یوې بلې لوړې ودانۍ باندې د صهیونیسټي رژیم د پوځ د توغندوي حملې خبر ورکړ
فلسطیني سرچینو وویل چې د صهیونیسټي رژيم ډورن الوتکو د غزې په الکرامه سیمه کښې په (اندلس) نومې د استوګنې په برج باندې دوه توغندي وتوغول.
د صهیونیسټي رژيم جنګي الوتکو له دې مخکښې هم په غزه کښې د تیرو ورځو په بریدونو کښې څو برجونه او لوې ودانۍ ورانې کړې چې یوه په کښې الجلاء برج و چرته چې د الجزیره چینل او د فرانسې خبري آژانس په شان د نړیوالو رسنیو دفترونه وو.
له بلې خوا د غزې د اوقافو وزارت نن وویل چې په غزې باندې د صهیونیسټي رژیم په بریدونو کښې درې جوماتونه بیخي وران شوي او ۴۰ نورو جوماتونو ته هم تاوان رسیدلی دی.
د صهیونسټانو د بریدونو په ځواب کښې د فلسطین مقاومتي ډلو هم تراوسه د نیواکي فلسطین په لور څه باندې درې زره توغندي ویشتي دي چې صهیونیسټي ښارګي میشتو ته او ښارونو ته یې د سر او مال ډیر تاوان اړولی دی.
