د یمن خارجه وزیر په تیریګرو هیوادونو د دباو غوښتنه وکړه
ایرنا خبري اژانس وايي د یمن د باندنیو چارو وزیر هشام شرف پرون د سره صلیب د نړیوالې کمیټۍ له مشر پیټر مائورر (peter maurer) سره په کتنې کښې بشري حقوقو ته د پاې بندۍ ، د یمن پرضد د تیریو او د کلابندۍ د ختمولو او سولې ته د مخه کولو لپاره په تیریګرو هیوادونو باندې د دباو د راوستلو پرضرورت ټینګار وکړ .
هشام شرف په دغه کتنې کښې د سره صلیب د نړیوالې کمیټۍ د استازندویه پلاوي او د هغوې د کارکونکو د ماموریتونو د ترسره کولو لپاره د ضروري اسانتیاو د برابرولو په لړ کښې د یمن د اړونده ادارو په چمتووالي ټینګار وکړ .
سعودي عربستان د امریکا ، متحده عربي اماراتو، انګلستان ، اردن ، اسرائیلو ، بحرین وغیره په ملاتړ سره له دوه زره پینځلسم (۲۰۱۵) میلادي کال څخه د یمن پرضد پوځي تیریو او له ځمکې ، سمندر او هوا څخه کلابندۍ ته دوام ورکړی دی او تراوسه یې د دغه هیواد څه د پاسه اولس زره (۱۷۰۰۰) بې ګناه خلک وژلي ، په لسګونو زره نور یې ژوبل کړي او په میلیونو نور یې کډوال کړي هم دي .
