بشار اسد اماراتو ته سفر وکړ
اماراتو په وروستیو کې له سوریې سره د اړیکو احیا کولو ته مخه کړی ده
د سوریې رسمي خبری اژانس سانا اماراتو ته د ولسمشر بشار اسد د سفر خبر ورکړ .
اماراتو په وروستیو کې له سوریې سره د اړیکو احیا کولو ته مخه کړی ده .
اماراتو د سوریې په کړکیچ کې لومړې د دغه هیواد د نظام پرضد عمل وکړ خو د ۲۰۱۸ کال په دسمبر کې له دې وروسته چی د سوریې نظام له ترهه ګرو ډلو سره په جنګ کې کامیابۍ ترلاسه کړه اماراتو په دمشق کط خپل سفارت پرانسته .
بشار اسد پرون اماراتو ته په سفر کې د دغه هیواد له لومړی وزیر شیخ محمد بن راشد ال مکتوم سره په دوبی کی کتنه وکړه .
شیخ مکتوم په دغه کتنه کې د دواړو هیوادونو ترمینځ د وروګلویزو اړیکو په لړ کې اماراتو ته د بشار اسد او ورسره ملګري پلاوی سفر هرکلې او په درسته سوریه کې د سولې او امنیت د تینګیدا په نسبت هیله څرګنده کړه .
دواړو لورو په دغه کتنه کې د دوه اړخیزه اړیکو په تیره بیا تجارتی ، پانګونې او اقتصادی برخو کې د اړیکو د پراختیا په اړه سلاومشورې وکړې . ددغې کتنې نور جزیات تراوسه ندی ترلاسه شوی .
