اماراتو ته د سورئې د ولسمشر سفر د امریکا غبرګون راوپاروۀ
د امریکا دخارجه وزارت ویندوي متحده عربی اماراتو ته د سورئې د ولسمشر بشار اسدپه سفر غبرګون وښود .
متحده عربی اماراتو ته د سورئې د ولسمشر بشار اسد سفر په داسې حال کې دی ، چې د واشنګټن له غوښتې سره سره ، دامریکا متحدو عربو هیوادونو چې مخکې ئې د سورئې د قانوني حکومت دنسکوریدا لپاره په یوې واحدې جبهې کې عمل کاوۀ، پخپل مخکیني کړچار کې په بدلون راوستو سره ئې د بشار اسد له حکومت سره خپلې ډيپلوماټيکې او اقتصادي اړیکې احیاء کول پيل کړي دي .
الجزیره ټيلیویژني چینل راپور ورکړ د امریکا دخارجه وزارت یوه ویندوی اماراتو ته د سورئې د ولسمشر د سفر په غبرګون کې پخپل یوه ټولنیز پيغام کې لیکلی دي مونږ بشار اسد ته د رواوالی د ورکولو لپاره په هلوځلو افسوس کوو .
هغه مدعي شوی ، بشار اسد د سورئې د ډيرو خلکو د مرګ ژوبلو مسئول دی ، له دې امله هغه کسان چې د بشار اسد له رژيم سره د تعامل په فکر کې دي ،باید هغه جنایتونه په نظر کې ونیول شي . \
داپه داسې حال کې دی چې په تیرو دوو لسیزو کې د امریکال جنایتکارو واکوالانو د نړۍ په ګوټ ګوټ کې په تیره بیا په لویدیځي آسیا او افغانستان کې د لکونو خلکو په وینو بهولو کې مستقیم لاس درلودلی او خپل جنایتونه ورڅخه هیر شوي دي .
د سورئې ولسمشر بشا راسد پرون جمعې ورځې په یوه سفر کې متحده عربی اماراتو ته تللی او د دوبئ د حاکم محمد راشید ال مکتوم او د ابوظبئ له ولی عهد شیخ محمد بن زاید ال نهیان پشمول د دغه هیواد له لوړپوړو چارواکو سره کتنې او خبرې اترې کړي دي .
