سعودي عربستان په یمن باندې بریدونو ته دوام ورکړی
سبا خبري اژانس راپور راکړی د سعودي عربستان ائتلاف په تیرو څلرویشتو ساعتونو کښې د یمن په الحدیده ولایت د توپونو ډزې، توغندوي او هوايي حملې کړي دي او په دغه ولایت کښې یې اته دیرش ځله د اوربند خلاف ورزیانې کړي دي.
د یمن په لویدیځ کښې په الحدیده ولایت کښې د یمن د ولسي کمیټیو او د پوځ د عملیاتو کوټې وویل د الحدیده ولایت په بیلابیلو سیمو باندې د سعودي عربستان د تیریګر ائتلاف د توپونو ډزو او راکټي حملو دوام لرلی او عربستان د حیس او د جبلیه ولسوالیو په ځینو سیمو باندې بریدونه کوي.
له دې مخکې د یمن د لومړي وزیر د دفاعي او د امنیتي چارو مرستیال جلال الرویشان ویلي وو چې نه د جنګ او د نه سولې حالت یو ګواښ دی او زمونږ تکیه د یمن د ملت او د چارواکو په اتحاد باندې ده.
د یمن د لوړې سیاسي شورا مشر مهدي المشاط هم ویلي وو چې د سعودي عربستان د تیریګر ائتلاف لخوا د اوربند په بیا بیا خلاف ورزیو سره اوربند له مینځه تللی دی.
د یمن پرضد د سعودي عربستان او د هغه د ملګرو هیوادونو په جنګ کښې تراوسه شپاړس زره کسان وژل شوي په لسګونو زره نور ژوبل شوي او په میلیونو نور کډوال شوي هم دي.
