د سوریې په قمشلي ښار کې ۴ تنه وژل شوي دي
د سوریې په قمشلي ښار کې په یوه موټر د برید په پایله کې څلور تنه وژل شوي دي.
د سوریې په قمشلي ښار کې په یوه موټر د برید په پایله کې څلور تنه وژل شوي دي.
د ایرنا خبري اژانس د معلوماتو له مخې ؛ په دغه موټر کې سپاره کسان د ترکیې د لارښود توغندي یا ډرون په واسطه په نښه شوي دي.
د چارشنبې په ماښام د ترکیې جنګي الوتکو د عراق د دوحک ولایت د العمادیه سیمه په نښه کړه.
د سوریې او عراق په شمال کې د ترکیې حملې په داسې حال کې کیږي چې دمشق او بغداد په ځلونو دغه اقدام د ترکیې د نیواک یوه بیلګه بللې ده او د ترکیې د پوځ له پرله پسې حملو وروسته د سوریې او عراق په شمال کې ډیرې سیمې تصفیه شوي دي .
د یو بل خبر له مخې د قنیطره ښار په «نبیة الصخر» کلي کې د ترهګرو لخوا د ځای پر ځای شوي ماین د چاودنې له امله د یوې ښځې په ګډون څلور تنه ملکي وګړي ټپیان شوي دي.
قنیطره ولایت د سوریې په جنوب لویدیځ کې د اشغال شوي فلسطین په پوله کې پروت دی او د قنیطره ښار او دمشق ترمنځ اویا کیلو متره واټن شتون لري.
