صهیونیسټي دښمن د خپلې ماتې بدل له ښځو او ماشومانو اخلي
د حماس د سیاسي دفتر غړي وویل: صهیونیسټي دښمن او د هغه ماتې خوړلی پوځ له مقاومت څخه د خوړلې ماتې غچ له ماشومانو، ښځو او ملکي وګړو اخلي.
د حماس د سیاسي دفتر غړي وویل: صهیونیسټي دښمن او د هغه ماتې خوړلی پوځ له مقاومت څخه د خوړلې ماتې غچ له ماشومانو، ښځو او ملکي وګړو اخلي.
اسامه حمدان" دې ته په اشارې سره چې مقاومت هره ورځ دښمن ته د سر او مال تاوان رسوي، وویل: د قدس د نیواکګر رژيم د ځواکونو د هلاکت حقیقي شمیر، له هغه څو چنده زیات دی چې د اسرائیلو پوځ یې اعلانوي.
هغه ټینګار وکړ، د صهیونیسټي رژیم وزیراعظم بنیامین نتانیاهو د بهرنیو اسیرانو د آزادۍ مخه نیسي خو حماس د هغوي آزادولو ته خپل چمتووالی اعلان کړی دی.
اسامه حمدان څرګنده کړه: باید د بهرنیو اسیرانو د سلامتیا د ضمانت په لړ کښې د هغوي له آزادۍ مخکښې امنیتي حالات برابر شي.
هغه د عربو او اسلامي هیوادونو له مشرانو وغوښتل چې د اسرائیلو له رژیم سره د اړیکو د ختمولو په لړ کښې پریکنده دریځ غوره کړي.
هغه د فلسطین په خلکو باندې د بریدونو په سمدستي بندیدو ټینګار وکړ او نتانیاهو ته یې خبرداری ورکړ چې مقاومت به دې مجبور کړي چې د خپلو اسیرانو د آزادۍ لپاره ډیر لګښت ورکړې.
