په نیواکی بیت المقدس کې په صهیونیستانو ډزې شوې

صهیونیستي رسنیو اعلان وکړ چي د نیواکی بیت المقدس په یوه صهیونیست میشت ښارګوټي کې ډزې شوې دي چي د امله یې یو شمېر صهیونیستانو ته مرګژوبله اوښتې ده.

صهیونیستي رسنیو اعلان وکړ چي وسله والو په نیواکی بیت المقدس کې په یوه صهیونیست میشت ښارګوټي کې ډزې کړي دي چي د امله یې یو تن وژل شوی او ۷ تنه نور ټپیان شوي دي.

د دې راپور سره سم، برید کوونکو په یوه موټر کې د بس په تمځای کې په صهیونیستانو ډزې کړي دي او بیا له سیمې تښتېدلي دي.

د فلسطیني رسنیو له راپور سره سم، صهیونیستي ځواکونو هم له طولکرم نه شاته شوي دي او د اردن د سیند په لوېدیځه غاړه کې یې د عین السلطان کېمپ محاصره کړی دی.

همدارنګه د صهیونیست رژیم نیواکګرو ځواکونو په قلقیلیې ښار باندې هم برید کړی او په عامو فلسطینیانو یې ډزې کړي دي.