په یمن باندې د امریکا او د انګلیس بیاځلې برید

تېره شپه بیا ځلې امریکایي او انګلیسې الوتکو د یمن په لوېدیځو سیمو باندې پراخې بمبارۍ وکړې.

د المسیرې له راپور سره سم، امریکا او انګلیس تېره شپه د یمن په لوېدیځه کې د الحدیدې ولایت د راس عیسی په سیمې باندې هوایي بریدونه کړي دي.

لاهم د دغو بریدونو د مرګژوبلو او د زیان په هکله کوم خبر نه دی خپور شوی.

امریکایانو تېره ورځ هم د الحدیدې ولایت په التحیتا ولسوالۍ کې په مختلفو سیمو بریدونه کړې وه.

امریکا او انګلیس د اسرائیل د رژیم په ملاتړ کې په تېرو اوونیو کې په ځلونو د یمن په خاورې بریدونه کړي دي.

د یمن وسله والو ځواکونو د غزې په خلاف د صهیونیستانو د بریدونو د بندون په موخه اسرائیل رژیم یې د اوبو له لارې محاصره کړی او هر هغه کښتۍ چي دغه رژیم ته توکې یوسي په نښه کوي.