د نتانیاهو مخالفان د هغه د کور مخې ته راغونډ شول
-
فایل فوټو
د صهیونیسټي رژيم خبري سرچینو بیګا په تل ابیب کښې د دغه رژيم د وزیراعظم بنیامین نتانیاهو د کور مخې ته د اسرائيلي اسیرانو د کورنیو د تجمع د دوام خبر ورکړی دی.
د صهیونیسټي رژيم خبري سرچینو بیګا په تل ابیب کښې د دغه رژيم د وزیراعظم بنیامین نتانیاهو د کور مخې ته د اسرائيلي اسیرانو د کورنیو د تجمع د دوام خبر ورکړی دی.
د صهیونیسټي رژيم د ټیلیویژن ۱۲ چینل په دې هکله ویلي دي: معترضانو د تل ابیب په کریا سیمه کښې مظاهرې وکړې او د صهیونیسټي رژيم د اسیرانو د آزادۍ غوښتنه یې وکړه.
هغوي د صهیونیسټي رژیم او حماس ترمینځ د اسیرانو د تبادلې د نه کیدو په غندنه کښې ځینې لیکنې او پلی کارډونه درلودل.
دا مظاهرې پس له هغې وشوې چې د تل ابیب رسمي سرچینو وویل چې د صهیونیسټي اسیرانو د آزادۍ لپاره مذاکراتو تر دې دمه هیڅ ګټه نه ده کړې.
د موساد د پخواني مشر په مشرۍ اسرائیلي پلاوی په دې لړ کښې په شویو خبرواترو کښې له هیڅ ډول پرمختګ پرته له قاهرې تلی دی.
