د فلسطین د حماس غورځنګ پلاوی مصر ته رسیدلی
زمونږ خبریال راپور راکړی د مصر یوه لوړرتبه چارواکي وویل چې د فلسطین د حماس غورځنګ یو پلاوی نن قاهرې ته رسیدلی دی چې په غزې تړانګه کښې د اوربند په هکله خبرې اترې وکړي.
د دغه پلاوي مشرۍ د فلسطین په غزې تړانګه کښې د حماس غورځنګ د مشر مرستیال خلیل ال هایا(Khalil al hayya) کوي.
د فلسطین یوه چارواکي چې د اوربند له خبرو اترو خبر دی رویټرز خبري اژانس ته وویل تراوسه معلومه نه ده چې اسرائیل او حماس غورځنګ په غزې تړانګه کښې اوربند ته ورسیږي.
ویل کیږي چې د اسرائیلو یو پلاوی هم مصر ته ورځي چې په غزې کښې د اوربند په خبرو کښې ګډون وکړي.
بل خبر دا چې د فلسطین د روغتیا وزارت نن په یوې بیانیې کښې وویل چې د تیر میلادي کال د اکتوبر د میاشتې په اومه نیټه د اسرائیلو له پوځي تیریو راهسې تر نن ورځې پورې د شهید شویو فلسطینیانو شمیر دیرش زره څلور سوه لسو او د ژوبلو کسانو شمیر هم یواویا زره او اوه سوو ته رسیدلی دی.
