د حماس غورځنګ تر ټولو مهم شخصیتونه نن خوشي کیږي
صهیونیسټي رسنیو اعلان کړی چې د فلسطین د مقاومت ځواکونو تر ټولو مهم شخصیتونه به د شنبې په ورځ د صهیونیسټي رژیم او د حماس اسلامي غورځنګ ترمنځ د بندیانو د تبادلې د تړونونو په چوکاټ کې خوشې شي.
په دې کې د حماس غورځنګ یو لوړ پوړی پوځي قوماندان عمر الزبن هم شامل دی چې د ۲۷ صهیونیسټانو د وژنې په تور په ۲۷ کاله بند محکوم شوی و؛ هغه به د پرېښودل شویو کسانو له ډلې څخه وي.
د عزالدین القسام د پوځي ځواکونو ویاند ابو عبیده هم پرون په یوه بیان کې وویل چې د بندیانو د تبادلې د عملیاتو د یوې برخې په توګه به شپږ صهیونیسټي بندیان خوشې شي.
په دې اساس؛ د حماس غورځنګ او صهیونیستي رژیم ترمنځ د بندیانو د تبادلې د اووم پړاو د یوې برخې په توګه، نن په غزه کې د سره صلیب نړیوالې کمیټې استازو ته شپږ نور صهیونیستي بندیان وسپارل شول.
په ورته وخت کې؛ د صهیونیستي رژیم 13 ټلویزیون د دغه رژیم د یوه چارواکي له قوله ویلي چې د سره صلیب استازو د حماس د اسلامي غورځنګ د صهیونیسټي بندیانو څخه د بیباس جسد ترلاسه کړی دی.
د حماس اسلامي غورځنګ هم ویلي دي چې د صهیونیستي رژیم بمباري د دې سړي او د هغه د کورنۍ د وژنې مسؤلیت لري، او دوی مخکې له دې د دې مسلې په اړه خبرداری ورکړی و.
