د ګڼو استعفاګانو مخنیوي لپاره د اسرائیلي پوځ د بودیجې زیاتوالی
پارس ټوډې - د صهیونیسټي رژیم کابینې د دې رژیم د پوځ دایمي غړو د ملاتړ او د ګڼو استعفاګانو مخنیوي لپاره یوه طرحه تصویب کړه.
د صهیونیسټي «معاریو» ورځپاڼې د یکشنبې په ورځ په یوه راپور کې لیکلي: د صهیونیسټي رژیم کابینې د دې رژیم د پوځ دایمي غړو د ملاتړ او د استعفاګانو مخنیوي لپاره د ۳.۲۵ میلیارد شکلو (یوه میلیارد ډالرو) په ارزښت اضطراري طرحه تصویب کړه.
د پارس ټوډې د راپور له مخې، دا طرحه د پراخو ټولنیزو او اقتصادي اقداماتو ټولګه ده چې مالي مرستې، د کور ګټې او نور پکې شامل دي. د اسرائیلي پوځ مشران وايي چې د دایمي پرسونل ساتلو کې، په ځانګړې ډول په جګړیزو او ملاتړو جګړیزو واحدونو کې، جدي ستونزې لري. دا واقعیت چې د پوځ دایمي پرسونل په تېرو دوو کلونو کې شپه او ورځ کار کولو ته مجبور وو او پرته له اضافي معاش یې ډېر کار کاوه، د ګڼو استعفاګانو لامل شوی دی.
د صهیونیسټي رژیم د پوځ رسنۍ د ذخیره ځواکونو او دایمي پرسونل ترمنځ د جوړ شوي توپیر په یادولو سره منلې چې ډېر دایمي پرسونل د تقاعد او د ذخیره ځواک په توګه د رول اعلان کړی دی. د صهیونیسټي رژیم د پوځ ذخیره ځواکونو معاش او کاري شرایط د تېر په پرتله ښه شوي دي.
اسرائیلي پوځ اوس زرګونو دایمي پرسونل ته، په ځانګړې ډول په هوايي دفاع، زغره والو وسایطو ساتنه کې اړتیا لري ترڅو ډېر زغره وال موټر او جګړیز تجهیزات چې د دوو کلونو جګړې وروسته له کاره لوېدلي، نوي او بیا کار ته چمتو کړي.
