الاخبار: د سوریې د خلکو مقاومت د صهیونیستانو محاسبات ګډوډ کړل
پارس ټودی – لبناني ورځپاڼې الاخبار د سوریې د سوېل لوېدیځ په «بیتجَن» کلي کې د صهیونیستي ځواکونو او ولسي مقاومت د ځواکونو ترمینځ د نښتې په اړه لیکلي:دغې نښتې د دښمن حسابونه ګډوډ کړل او وې ښودله چې د سوریې سرحدي سیمې لا هم د مقاومت پیاوړی ظرفیت لري.
د سورئې سوېل لوېدیځ ته نږدې د «بیتجَن» کلی د جمعې په ورځ د وحشي رژیم د هغو شدیدو بریدونو شاهد و چې په وروستیو کلونو کې ئې بېلګه کمه لېدلې شوې. د پارستودی د راپور له مخې، د لبناني ورځپاڼې الاخبار په نقل، برید هغه وخت پیل شو چې د رژیم یوې ګزمې کونکي یونټ درې سورياوال وګړو د نیولو لپاره سیمې ته داخل شو او د شاتګ پر مهال د ځایي مقاومت د ځواکونو له غبرګون سره مخ شو.
د راپورونو له مخې، په دې نښتې کې څو اسرائیلي عسکر ټپیان شول او د هغوی پوځي یوګاډی د لنډ وخت لپاره له کاره ولوېد. د اسرائیلي عسکرو له وتلو وروسته، د رژیم پوځ ځمکني واحدونه د «بیتجَن» شاوخوا او د «باطالورد» پر لوړو ځای پر ځای کړل او چورلکې د پراخ الوت لپاره هوا ته پورته شوې. همدارنګه، د اسرائیلو بېپیلوټه الوتکو هغه موټرسايکل په نښه کړ چې دوه ځوانان پرې د مرستې لپاره روان وو. د صهیونیستي ځواکونو په بریدونو کې د جمعې تر غرمې لږ تر لږه ۱۳ سوریائي وګړي وژل شوي دي.
له بلې خوا، عبريژبو رسنیو خبر ورکړی چې څو ټپي شوي اسرائیلي عسکر د «شیبا» روغتون ته لیږدول شوي. د اسرائیلو پوځ هم د پنځو عسکرو ټپي کېدل تایید کړي، چې د دریو حالت ئې ډېر خراب بلل شوی دی.
ورځپاڼې الاخبار لیکلي: دا نښته ښئي چې د سورئې سوېل یوه حساسه او د چاودنې لپاره چمتو سیمې ده؛ داسې سیمه چې د جغرافیایي، ټولنیزو او امنیتي ځانګړتیاوو له امله په هر ډول پوځي تماس کې سمدستي غبرګون ښئي.
د راپور له مخې، د «اسرائیلو» په نظر دا سیمه نور د تل لپاره د کنټرول وړ ډګر نه دی او کولای شي په ډېرې چټکۍ سره نوي او غیرقابلپیشبیني ځایي ځواکونه راژوندي کړي؛ داسې ځواکونه چې دودیزه بازدارونه پرې کار نه کوي او ښايي پرته له کوم سیاسي تړاو جګړې ته داخل شي.
الاخبار زیاتوي: رژیم صهیونیستي په تېرې څو کلنې مودې کې هڅه کوله چې خپل یرغلګریز عملیات عادي کړي، څو د هغه عسکرو شتون په سرحدي کلیو کې یو ورځنی او د خلکو لپاره بېاهمیته کار شي. خو د بیتجَن وروستیو پېښو د اسرائیلي سیاستکوونکو لپاره برعکس صدمه رامنځته کړه او دا یې ثابته کړه چې دا سیمې لا هم د مقاومت توان لري او د «اسرائیلو» هغه تصور چې دغه سیمې د امنیتي خلا په توګه شته، ناسم دی.
د الاخبار په راپور کې راغلي: د صهیونیستانو لویه اندېښنه دا ده چې د بیتجَن د ولسي مقاومت الګو به په نورو سوېلي سوریایي کلیو کې هم تکرار شي؛ داسې سیمې چې له یوې خوا د مرکزي دولت د کمزورتیا لاندې دي او له بلې خوا پکې ژور ټولنیز دودیز جوړښتونه شته، چې کولای شي د ځایي دفاعي نوښتونو سبب شي او د اسرائیلو هغه تصور له پوښتنې سره مخ کړي چې پر سرحدونو ئې تګ راتګ اسان دي.
