لویدیځه غاړه؛ چاپې، وهل ټکول او نیول

اسرائیلي ځواکونو د شنبې په سهار د اشغال شوې لویدیځې غاړې په بېلابېلو سیمو کې پراخې چاپې وهلې او د فلسطینیانو کورونه یې پلټلي دي.

د راپورونو له مخې، په دغو عملیاتو کې یو شمېر فلسطینیان نیول شوي او ځینې کسان وهل ټکول شوي دي، په ځینو سیمو کې ډزې هم شوې دي.

د وروستیو ورځو په ترڅ کې په لویدیځه غاړه کې د اسرائیلي ځواکونو د چاپو او نیونو لړۍ هم روانه پاتې شوې ده.

د سپټمبر له۱۱مې تر ۱۷مې پورې په لویدیځه غاړه او ختیځ بیت‌المقدس کې د ۲۷۲ نیونو او ۱۹۱ فلسطیني کورونو باندې د چاپو راپور هم خپور شوی دی.