سعودي عربستان د یمن له انصار الله سره مقابله نشي کولای
زمونږ خبریال راپور راکړي د صهیونیسټي ټیلي ويژن چینل «ایران اینټرنیشنل» یوه شناند علي صدرزاده وویل، سعودي عربستان د یمن انصارالله ته د ماتې د ورکولو توان نه لري او امریکا هم نه شي کولای له خپلو عربي متحدانو دفاع وکړي.
علي صدرزاده وویل: سره له دې چې عربي هېوادونو امریکا ته ډېرې پیسې او امتیازات ورکړي، خو امریکا د عربي پاچاهانو د دفاع اراده او توان نه لري.
هغه زیاته کړه، سعودي عربستان د یمن د حوثیانو د له منځه وړلو توان نه لري. حوثیان په یمن کې یوه منظمه او د تاریخي جرړو لرونکې ډله ده، خو په جنګ کې د سعودي عربستان په خوا کې یووالی او همغږي نشته.
دغه راز د اسلامي ملګرتیا موسسې غړي عبدالرزاق لقمان هم وویل، سعودي عربستان د خپل ځان د دفاع توان هم نه لري.
د هغه په وینا، دغه هېواد یوازې په ظاهري بڼه او تجمل کې ښه دی، په داسې حال کې چې حوثیان له مرګه وېره نه لري.
