سعودي رژیم څلور نور عربستانیان اعدام کړل

په عربستان کښې د بشري حقوقو د خلاف ورزۍ په دوام کښې آل سعود رژيم په القطیف ښار کښې څلور کسان اعدام کړل.

ایرنا د لبنان د العهد خبري ویب سایټ په حواله لیکلي دي چې د عربستان د کورنیو چارو وزارت پرون په یوه بیانیه کښې وویل: څلور عربستانیان پرون د ترهګرو عملیاتو په تور په القطیف ښار کښې اعدام شول.

سعودي چارواکي د ځینو قوانینو او د بیان د آزادۍ او سوله ایزو مظاهرو د حق په شان اساسي آزادیو او حقوقو پورې د اړوندو سختو سزاګانو د اجرا لپاره د ترهګرۍ اصطلاح کاروي.