د عربستان په العوامیه کښې انساني وضعه ډیره خرابه ده
د سعودي رژيم پوځیانو د تیرې جولایۍ میاشتې له اتویشتمې نیټې څخه په الشرقیه ولایت کښې د العوامیه ښار په خلکو سخت ظلم شروع کړی دی.
په العوامیه نومي شیعه میشت ښارګي کښې د خلکو په کورونو باندې د آل سعود رژيم د پوځیانو د بریدونو په دوام کښې د عربستان د بشري حقوقو فعال امیر نمر په دغه ښارګي کښې د انساني حالاتو د خرابتیا خبر ورکړ.
امیر نمر د روان کال په مۍ میاشت کښې ریاض ته د امریکې د ولسمشر ډونلډ ټرمپ له سفر وروسته په العوامیه کښې د سعودیانو د هدفمنو تحرکاتو سختیدو ته په اشارې سره وویل چې د دغه ښارګوټي زیاتره اوسیدونکي کډه په سر شوي دي.
نمر د اصلاحاتو د کیدو او له خپلو روا حقوقو د دغې سیمې د اوسیدونکو د بې برخې توب د ختمیدو لپاره د القطیف سیمې د خلکو غوښتنې ته په اشارې سره وویل: دا غوښتنې نه بواې د شیعیانو د حقوقو لپاره بلکې د سنیانو د حقوقو د پوره کیدو لپاره هم ضروري دي.
یاده دې وي چې د سعودي رژيم پوځیانو د تیرې جولایۍ میاشتې له اتویشتمې نیټې څخه په الشرقیه ولایت کښې د العوامیه ښار په خلکو سخت ظلم شروع کړی دی.
