امریکا له ترهه ګرۍسره په مبارزې کې سربداله شوې ده

دترکیې حکومت مدعی دی امریکائی عسکر د سورئې کرد مخالفانو په تیره بیا وائی پی جی (YPG) ډلې ته د وسلو په لیږدولو سره په حقیقت کې په سورئې کې ترهه ګرو ډلو ملاتړ او دترکیې په ضد په غیر مستقیم اقدام کوی.

ایرناخبری آژآنس  نن له انقرې راپورورکړی، د   ترکیې خارجه وزیر مولود چاووش  اوغلو  نن په یولړ څرګندونو کې وئيلي ،  امریکا  له ترهه ګرۍ سره دمبارزې په زمینې کې سربداله اولالهانده شوې ده  او په همدې دلیل  په دې باب د دغه هیواد دلوړپو ړو چارواکو له  خوا ګډې وډې  خبرې  کیږي .

 چاووش اوغلو  وئيلی دي ، امریکایان  له ترهه ګرو ډلو سره  دمبارزې په پلمه  هیوادونو ته واردیږي، او دغه هیوادونه نیسي، پر دې اساس   مونږ ته د انسان دوستۍ درس،او یا د سورئې په عفرین کې له ترهه ګروسره دمبارزې د عملیاتو  د دریدا  دستور  نشي راکولی .

 هغه  دسورئې دعفرین   دپوځي عملیاتو  د پاي د  وخت په باب هم ټينګار کړی ، دغه عملیات به  د عفرین سیمې  ددرستو  ترهه ګرو تر نابودۍ پورې دوام وکړي .

 دترکیې حکومت مدعي دی امریکائي عسکر د سورئې   کرد مخالفانو په تیره بیا  وائي  پي  جي  (YPG) ډلې ته   د وسلو په لیږدولو سره  په حقیقت کې په  سورئې کې  ترهه ګرو ډلو ملاتړ او دترکیې په ضد په  غیر مستقیم اقدام کوي . دترکیې  خارجه وزیر  په عین حال کې ګواښ کړی ، امریکائي عسکر دې  دسورئې له منبج سیمې هم ووځي

 دسورئې په شمال کې د  په عفرین سیمې کې دترکیې د زیتون څانګې عملیات  د جنورۍ په شلمه پیل شوي  او  نن په اتمه ورځ هماغه راز دوام لري .

 دسورئې  خارجه وزارت  د دغه هیواد دحلب ولایت  په عفرین ښار دترکیې دپوځ   دیرغل په محکومولو سره  وئيلي دي ،چې د ترکیې دغه  اقدام د سورئې دملي  حاکمیّت  خلاف ورزي  ده .