داسلامی نړۍشخصیتونه اوعالمان دې داسلامی امت د وحدت لپاره هڅه وکړی

، د وهابیّت عقیده د مسلمانانو ترمینځ پر نفاق اودرز ولاړه ده او دغه فرقه له هماغه پیله د شیعه او سنی مسلمانانو ترمینځ د تفرقې په شعار سره راپنځول شوې ده

 ایرناخبری آژانس راپور ورکړ   داسلامی  ویښتیا  دنړیوالې ټولنې  عمومی منشی  علی اکبر ولایتی  نن  په دمشق کې  دالقدس  وَجهَتُنا: یعنی قدس د مونږ مقصد او  هدف : نومې  دوه ورځنی نړیوال سیمنار کې  پخپلې وینا کې  ووئیل ، په اوسنیو شرائطو کې مسلمانان او   اسلامی ټولنې  له بل هروخته زیات  وحدت او یووالی ته لازیاته اړتیا لری . 

 په نړیوالو چارو کې داسلامی انقلاب دمعظم لارښود  سلاکار زیاته کړې ،  په مسلمانانو کې اختلافات یوه طبیعی چاره ده ، خو وحدت او  ورورولی   له دښمنانو سره دمقابلې لپاره حیاتی چاره ده . 

 علی اکبر ولایتی همداراز  د نیواکی قدس اوفلسطینیانو  شرائطو  ته  په اشارې سره  ووئیل ،  قدس ته توجه ،یعنی  له ظلم اوکړاؤ او تیریو سره مبارزه ، چې  نتیجه به  ئې د فلسطین د مظلوم ولس  دحقوقو پوره کیدا او  دعدالت  رامینځةکیدا وی .

  داسلامی ویښتیا د نړیوالې  ټولنې عمومی منشی  دسورئې بحران ته هم په اشارې سره ووئیل ،  د سورئې ملت  د جنګ له ټولو مشکلاتو اوترینګلتیاؤ سره سره ،  قدس او دهغه مظلومیّت هیر کړی نه دی ،  او د ا  خپله یوه اصلی موخه ګڼی .  هغه  وئیلی دی ، دنړۍ  دڅه دپاسه اتیاؤ هیوادونو ترهه ګرو د  سورئې دملت او حکومت په ضد د استکبار او غاصبو اسرائیلو  په ملګرتیا سره  جنګ  پیل کړی دی ،  او  په دغه جنایت کې ئې  په لسګونوزره  بې ګناه  ښځې او ماشومان په وینو کې لیت پیت کړی دی ، او  د  سورئې  څه دپاسه څلویښت فی صده خلک ئې  کډه په سر کړی دی .

 داسلامی ویښتیا د نړیوالې ټولنې عمومی منشی  زیاته کړې ،  دوهابیّت  منحرفه ډله  دسیمې د  ولسونو په ضد د  درستو  ترهه ګرو اوجنایتکارو ډلو  چورلیز  دی او  دسعودی جاهل او فسادګر  رژیم  هم  دهغوی  مالی اوتجهیزاتی  تامینونکی دی . ولایتی ټینګار کړی ،  د وهابیّت  عقیده  د مسلمانانو ترمینځ  پر نفاق اودرز  ولاړه ده  او دغه فرقه له هماغه پیله د شیعه او سنی مسلمانانو ترمینځ د تفرقې په شعار سره  راپنځول شوې ده