په غزې د صهیونیسټي رژيم هوايي حملې جاري دي
د صهیونیسټي رژیم جنګي الوتکو یوځل بیا په غزې تړانګې کښې یوشمیر اهداف په نښه کړل.
زمونږ د خبریال د رپورټ له مخې د صهیونیسټي رژيم جنګي الوتکو نن مازیګر په دریم ځل د غزې په تړانګه کښې ۳۵ سیمې په نښه کړې. دا په تیرو څلورو کالو کښې پر غزې تړانګې د صهیونیسټي رژيم ترټولو سختې هوايي حملې وې.
د فلسطین مقاومتي ډلو په غزې باندې د صهیونیسټي رژیم د حملو په ځواب کښې د غزې خواوشا صهیونیسټي ښارګي په لسګونو توغندیو او هاوانونو وویشتل.
صهیونیسټي رسنیو هم په دغو ښارګوټو د توغندیو لګیدل او له امله یې د یوشمیر صهیونسټو ښارګي میشتو زخمي کیدل تایید کړل.
یدیعوت احارونوت صهیونیسټي ورځپاڼې ولیکل: د اوسپنیز ګنبد سیسټم ونه توانید چې دغه توغندي تعقیب کړی. صهیونیسټ رژيم غزې تړانګې ته نزدې ښارګي میشتو غوښتي چې پټنځیو ته څیرمه پاتې شي.
په غزې تړانګې کښې د مقاومت په اډو د صهیونیسټي رژيم د نن سهار په حمله کښې یو فلسطینی شهید شو او یو بل کس ژوبل شو.
