حماس غورځنګ له خپل ځانه په دفاع حق ټینګار وکړ
د حماس غورځنګ بیانیه له دې وروسته صادره شوه چی د صیهونیسټ رژیم جنګی الوتکو بیګا په غزې تړانګې توغندوی حملې وکړې .
د فارس خبری اژانس له راپور سره سم د فلسطین حماس غورځنګ په یوه بیانیه کی ټینګار وکړ د مقاومت ملی دنده د خلکو له ګټو دفاع او د دفاع لپاره د یوې معادلې رامینځته کول دی چی پکې د بمباریو په وړاندی بمباری او دسنایپرانو په وړاندی د سنایپرانو په عملیاتو سره ځواب ورکول کیږی .
د حماس غورځنګ بیانیه له دې وروسته صادره شوه چی د صیهونیسټ رژیم جنګی الوتکو بیګا په غزې تړانګې توغندوی حملې وکړې .
فلسطینیو سرچینو ویلی دی د صیهونیسټ رژیم جنګی الوتکو په غزې تړانګې کې د حماس په مورچو بمباری کړی ده .
د فلسطین سنایپران پرون بریالی شوی وو چی یو صیهونیسټی عسکر چی د غزې تړانګې په خلکو یې ډزې کولې ، په نښه کړی . دغه صیهونیسټی عسکر بیا وروسته په روغتون کی هلاک شو .
د یادلو ده چی پرون د ستنیدا د حق په سوله ایز لاریون کی څلور فلسطینان د صیهونیسټی عسکرو په مرمیو شهیدان شوی او ۱۲۰ نور هم ژوبل شوی دی . د ستنیدا د حق سوله ایز لاریون د تیر مارچ میاشتې له ۳۰ نیټې پیل شوی او هماغه راز دوام لری .
