يمنيانو د سعودي په فوځي اډو بيا ميزائيل وويشتل

د يمن فوځي او ولسي ځواکونو د دغه هېواد د خلقو په خلاف د آل سعود رژيم د جنايتونو او حملو په ځواب کښې د دغه هېواد د جنوب په نجران کښې د سعودي په فوځي اډه يو بالېسټک ميزائل وغورزۀ.

د ايرنا د رپوټ  له مخې د يمن توغنده اي يونټ همدارنګ د سعودي په جيزان سيمه کښې په مشعل او ملحمه اډو هم دوه زلزال دوه ميزائل وروويشتل.

د دغو ميزائلي حملو د سرومال تاوانونو په اړه لا څه رپوټ نه دے خپور شوے.

له بلې خوا د يمن  فوځي او ولسي ځواکونو د سعودي په عسير او نجران سيمو کښې شپږ سعودي فوځيان په ډزو سره هلاک کړل.

همدارنګ د يمن د فوځ توپخانې هم په عسير سيمه کښې د سعودي فوځيانو او به جيزان سيمه کښې د سعودي تالي څټو ځواکونو د غونډېدوپه ځاينو حمله وکړه  او ورته سخت سرتاوانونه ورسول چې د دقيق شمېر باره کښې څه رپوټ نه دے ترلاسه شوے.